‘Yan Wasan Kasar Sin Sun Lashe Lambar Zinare Ta Farko A Gasar Wasannin Asiya Karo Na 19

Zou Jiaqi da Qiu Xiuping na kasar Sin sun lashe lambar zinare ta farko a gasar wasannin Asiya karo na 19 da minti 7 da dakika 6.78 a gasar tsaren kwale-kwale na mata mai saukin nauyi ko lightweight scrulls a Turance a yau Lahadi a birning Hangzhou.

‘Yan wasan kwale-kwale na Uzbekistan Luizakhon Islomova da Malika Tagmatova sun bi baya a minti 7 da dakika 16.49 da Chelsea Corputy da Mutiara Rahma Putri daga Indonesiya a minti 7 da dakika 17.64.
Daga baya ‘yan wasan kwale-kwale na kasar Sin sun kara samun lambobin zinare na gasar maza masu saukin nauyi, da na maza takwas, da na mata biyu da kuma na mata hudu.

Kaza lika, tawagar kasar Sin ta kara wasu zinare biyu, a cikin tawagar ‘yan wasan bindigogin iska na mita 10 na mata da na wasan Changquan na maza ta fannin wasan wushu. (Yahaya)