Yansanda A Jihar Borno Sun Kama Tsoho Mai Shekara 80 Da Laifin Yi Wa ‘Yar Shekara 11 Fyade

Rundunar ‘yansandan Jihar Borno ta bayyana cewa, sun samu nasarar kama wani dattijo mai suna Saleh Bukar mai shekara 80 a duniya a bisa laifin yi wa yarinya ‘yar shekara 11 fyade.

Kwamishinan ‘yansandan, Abdu Umar, ya bayyana haka ne ranar Laraba a lokacin da yake gabatar da Dattijon tare da wasu mutum 6 da ake zargi da aikata fyade a Maiduguri.

• An Kashe ‘Yan Boko Haram 47 A Arangamarsu Da Sojoji A Borno

Kwamishinan ya ce, ‘yaruwar yarinyar da aka yi wa fyaden ne mai suna Fatima Ali, ta fahinci yadda wani abu ke fatowa daga farjin yarinyar, daga nan ne ta tuhumi yarinyar, inda ta bayyana wa Fatima dukkan abin da ya faru har da yadda Bukar ya yi ta mata fyade a lokutta daban daban.

Kwamishinan ‘yansandan ya ce, da zaran jami’ansa sun kammala bincike za su gabatar da dattijon gaban kotu don a yanke musu hukuncin da ya dace.