Rundunar ‘yansandan Jihar Kaduna, ta bayyana cewa ta kama wasu daga cikin ‘yan shi’a da ta ke zargi da kai wa ayarin motocin gwamnan jihar, Malam Nasir Ahmed El-rufai hari.
A cikin sanarwar da kakakin ‘yansandan Jihar, DSP Mohammed Jalige ya fitar ya ce, jami’an ‘yansanda na ayarin motocin gwamnan jihar, sun yi bincike a Bakin Ruwa da ke Rigasa daura da babbar hanyar Nnamdi Azikiwe bayan da wadanda ake zargi da kai harin dauke da makamai ‘yan kungiyar shi’a ne sun kai wa wasu mazauna jihar masu bin doka da oda hari, tare da hana ababen hawa wucewa.
- A Wata Daya ‘Yansanda Sun Gano Bindiga 182 Da Harsasai 430
- Ministan Harkokin Wajen Kasar Sin Da Takwaransa Na Ukraine Sun Yi Hira Ta Wayar Tarho
Ya ci gaba da cewa, ‘ya’yan kungiyar su da yawa, a jiya Alhamis sun tare hanyar suna cin zarafin jama’a da misalin karfe 3 na rana, daidai lokacin da ayarin motocin gwamnan jihar ya zo wuce wa.
Ya sanar da cewa, suna ganin ayarin motocin gwamnan sai suka fara jifan motocin gwamnan da duwatsu da kuma yin amfani da wasu makamai, inda suka lalata ababen hawa na jama’a da dama, inda jami’an tsaron na ayarin motocin gwamnan gwamnan suka mayar masu da martani.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
