Wasu wakilan jam’iyyar PDP biyu, sun shiga hannun rundunar ‘yansanda bisa zarginsu da sayen kuri’a a rumfar zaben Kakakin Majalisar Ogun, Rt. Hon. Olakunle Oluomo a karamar hukumar Ifo da ke jihar a ranar Asabar.
Wadanda ake zargin su biyu an kama su ne dauke da shaidar Jam’iyyu daban daban har uku.
- Yadda Wakilan Jam’iyya Ke Siye Mutane Da Atamfa A Kano
- Ya Kamata Jami’an Tsaro Su Sake Dagewa —Abba Gida-Gida
Da yake ganawa da LEADERSHIP, Kakakin Majalisar, Oluomo ya zargi PDP da daukan alhalin sayen kuri’un a rumfar zabensa.
A cewarsa ko a ranar Juma’a ma an kama wasu wakilai na PDP a Agbado da ke karamar hukumar Ifo suna sayen kuri’u.
Daga bisani Kakakin ya jinjina wa INEC bisa inganta na’urar BVAS ta yadda masu zabe ke samun sauki ana tantance suna samun damar kada kuri’arsu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
