Rundunar ‘yansandan Nijeriya ta kama wasu mutane da ke sayar wa ‘yan bindiga da mayaƙan Boko Haram babura a jihohin Neja da Kaduna.
Mataimakin Babban Sufeto-Janar na ‘yansanda mai kula da Shiyya ta 7, Benneth Igweh ne, ya bayyana haka a taron manema labarai da aka gudanar a ranar Talata.
- Gwamnan Bauchi Ya Rantsar Da Mashawarta 11, Ya Horesu Da Aiki Tuƙuru
- Sin Ta Yi Kira Ga Kotun Hukunta Manyan Laifuka Ta Duniya Da Ta Karfafa Hadin Gwiwa Da Sudan
An kama Shamsuddeen Yunusa (mai shekara 30), Zaharadeen Saidu (mai shekara 25), da Mustapha Haruna (mai shekara 22) a garin Suleja, Jihar Neja.
A cewar Igweh, an samu babura 22, makullai da dama, da wayoyin salula a hannun waɗanda ake zargi.
Ya ƙara da cewa sun ƙware wajen satar babura da sayar da su ko bayar da haya ga ‘yan ta’adda da ke aiki a Neja da yankin Birnin Gwari na Jihar Kaduna.
Rundunar‘yansanda ta tabbatar da cewa za a gurfanar da su a gaban kuliya bayan kammala bincike.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
