‘Yansanda Sun Yi Nasarar Cafke Mutanen Da Suka Yi Wa Sarkin Kano Ihu

Rundunar ‘yan sanda a jihar Kano ta ce ta yi nasarar kama karin wasu mutane uku da ake zargi da yin kalaman batanci ga Mai Martaba Sarkin Kano, Alhaji Aminu Bayero.

Kwamishinan ‘yansandan jihar Kano, Usaini Gumel, ne ya bayyana a cikin wata sanarwa da ya fitar a Kano.

• ‘Yansanda Sun Kama Direban Mota Da A-47 Guda 4 A Kano
• ‘Yansanda Sun Kama Mutane 96 Da Ake Zargi Da Aikata Laifuka A Kano

Tun da farko rundunar ta yi nasarar kama wasu mutane shida da ake zargi da hannu a lamarin.

CP Gumel, ya bayyana sunayen wadanda ake zargin kamar haka; Abdulrazak Usman Sarki daga Disu Quarters, karamar hukumar Gwale, sai wani mai suna Fatihu Muktar Faruk Kano da kuma Usman Baba Attah, 25, mazaunin unguwar Kabara Quarters, Kano Municipal.