Yanzu-yanzu: Shugaba Tinubu Ya Sauka Abuja Bayan Kwana Biyu A Guinea Bissau

Da yammacin yau Litinin ne shugaba Bola Tinubu ya dawo Abuja daga birnin Bissau, babban birnin kasar Guinea-Bissau, inda ya halarci taron shugabannin kasashe da gwamnatocin kasashen yammacin Afirka karo na 63 wanda aka gudanar a ranar Lahadin da ta gabata.

Jirgin NAF 001 Boeing 737 wanda ke dauke da Tinubu da tawagarsa, ya sauka a filin jirgin saman Nnamdi Azikwe, Abuja da misalin karfe 06:30 na yamma agogon Nijeriya.

Daga nan aka kai shi gidansa na Maitama.

• Binani Ta Maka INEC A Kotu Kan Soke Ayyana Ta A Matsayin Wadda Ta Lashe Zaben Gwamnan Adamawa

Shugaban na Nijeriya Bola Ahmed Tinubu ya zama sabon shugaban kungiyar ECOWAS ta hanyar amincewa da sauran shugabannin suka yi.