Yanzu-yanzu: Wani Abu Ya Fashe A Tashar Iskar Gas A Ibadan

Wani mummunan abu ya fashe a wata fitacciyar tashar iskar gas a unguwar Sango da ke Ibadan, babban birnin jihar Oyo.

Jaridar SOLACEBASE ta ruwaito cewa, fashewar ta razana mazauna garin, inda suka shiga firgici suna neman wurin tsira.

• Amurka Ta Zama Babbar Barazana Ga Tsaron Duniya Saboda Matukar Son Cin Riba Da ‘Yan Siyasar Kasar Suke Yi 
• Almundahana: An Gano Karin Biliyan 3 Da Ta Sake Batan Dabo Karkashin Betta Edu

An ji karar ne da misalin karfe 8:00 na dare, inda karar ta kai sassan birnin Ibadan har zuwa Bashorun da Amuda Ojeere da ke kan babbar hanyar Legas/Ibadan.

Shahararriyar Kasuwar Ace Mall wacce ke da shahararren gidan sinima na Ventura a Samonda da ke da nisan wasu ‘yan daruruwan mitoci daga wurin da abin ya faru, sai da wani bangaren ginin ya ruguje sakamakon karar, acewar mazauna yankin.

Har yanzu ba a san adadin wadanda suka mutu ba da wadanda suka jikkata zuwa lokacin rubuta wannan rahoton.