Yau Kwanaki 100 Suka Rage A Fara Gasar Wasannin Motsa Jiki Ta Daliban Jami’o’in Kasa Da Kasa A Birnin Chengdu Na Kasar Sin

Daga yau Laraba 19 ga wata, saura kwanaki 100 a kaddamar da gasar wasanin motsa jiki ta daliban jami’o’in kasa da kasa, ta yanayin zafi karo na 31 a birnin Chengdu na lardin Sichuan dake nan kasar Sin. A halin yanzu, ana himmatuwa wajen samar da tabbaci ga harkokin zirga-zirga, a matsayinsa na wani muhimmin bangare daga cikin ayyukan shirye-shiryen gasar.

Za’a gudanar da gasar ne tun daga ranar 28 ga watan Yuli zuwa 8 ga watan Agustar bana a Chengdu. Kawo yanzu, an riga an tsara wasu hanyoyi 486, don tabbatar da gudanar da gasar yadda ya kamata a birnin, da inganta tsarin zirga-zirgar ababen hawa, wanda ya hada filayen wasanni 49, tare kuma da kammala aikin kafa dandalin bada jagoranci ga zirga-zirgar ababen hawa a yayin gasar. (Murtala Zhang)