Yau Juma’a, ofishin yada labarai na kasar Sin ta yi wani taron manema labarai da aka saba yi, inda wakili mai kula da aikin tattaunawa kan cinikin shige da fice a ma’aikatar kasuwancin kasar Sin, kana mataimakin ministan ma’aikatar Wang Shouwen ya yi bayyani cewa, tun farkon shekarar bana, cinikin shige da fice na Sin na samun bunkasuwa mai dorewa. Daga watan Janairu zuwa Oktoba, yawan kudin cinikin waje da Sin ta samu ya kai dalar Amurka kimanin tiriliyan 5 wanda ya karu da kashi 5.2% bisa na makamancin lokacin bara. Sakamakon haka, kason da kasar Sin take da shi a kasuwar duniya kusan bai sauya ba. (Amina Xu)
Yawan Kudin Cinikin Shige Da Fice Na Sin Daga Watan Janairu Zuwa Oktoba Ya Karu Da Kashi 5.2%
