Shugaban kasa Muhammadu Buhari ya sake nanata cewa, mahaifarsa da ke Daura a jihar Katsina zai koma domin ya huta daga kalubalen ofis da kuma guje wa matsaloli idan ya bar ofis a ranar 29 ga Mayu, 2023.
Shugaban ya bayyana haka ne a Abuja a ranar Lahadi, yayin da ya karbi bakuncin mazauna babban birnin tarayya Abuja don bikin Kirismati.
“Ina taya ku murnar wannan babbar rana (Kirismati). Na yi alkawari da yawa daga abokan aikina cewa zan yi kokari in yi nesa daga Abuja idan na bar ofis don kada wani ya sake haifar mini da wata matsala.
“Zan tafi Daura, wacce ke kan iyaka da Jamhuriyar Nijar, kuma ina tsammanin duk da fasahar sadarwa ta zamani, zan kasance cikin lafiya da aminci a can,” in ji shi.
Buhari ya sake tabbatar wa ‘yan Nijeriya cewa ba zai kara kwana daya a kan karagar mulki ba fiye da lokacin da aka kayyade wa wa’adin mulkin sa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
