Zan Yi Nesa Da Abuja Da Zarar Na Bar Mulki —Buhari

Shugaban kasa Muhammadu Buhari ya sake nanata cewa, mahaifarsa da ke Daura a jihar Katsina zai koma domin ya huta daga kalubalen ofis da kuma guje wa matsaloli idan ya bar ofis a ranar 29 ga Mayu, 2023.

Shugaban ya bayyana haka ne a Abuja a ranar Lahadi, yayin da ya karbi bakuncin mazauna babban birnin tarayya Abuja don bikin Kirismati.

• Bikin Kirismati: Mailantarki Ya Raba Tallafi Ga Kiristocin Gombe

“Ina taya ku murnar wannan babbar rana (Kirismati). Na yi alkawari da yawa daga abokan aikina cewa zan yi kokari in yi nesa daga Abuja idan na bar ofis don kada wani ya sake haifar mini da wata matsala.

“Zan tafi Daura, wacce ke kan iyaka da Jamhuriyar Nijar, kuma ina tsammanin duk da fasahar sadarwa ta zamani, zan kasance cikin lafiya da aminci a can,” in ji shi.

Buhari ya sake tabbatar wa ‘yan Nijeriya cewa ba zai kara kwana daya a kan karagar mulki ba fiye da lokacin da aka kayyade wa wa’adin mulkin sa.

Sulaiman

+ postsBio

• Sulaiman

  Na Sayar Da ’Ya’yana, Na Sace Wasu 19 – Wata Da Ake Zargi Da Safarar Yara
• Sulaiman

  Hormuz: Iran Ta Kai Muggan Hare-hare Kan Sansanin Amurka A Jordan
• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi