Mahaifiyar shugaban hukumar kwallon kafa ta Spain Luis Rubiales ta kulle kanta a wata coci kuma ta shiga yajin cin abinci domin nuna rashin amincewarta dangane da abinda ake zargin danta yayi kamar yadda dan uwan Rubiales ya tabbatar a ranar Litinin.
Ángeles Béjar ta rufe kanta a cikin majami’a a garin Rubiales na Motril, Andalusia, ranar Litinin.
Ta ce za ta ci gaba da yajin cin abinci har sai an kawo karshen zargin da ake yi wa danta na rashin mutuntaka (ya sun banci ‘yar wasa bayan lashe gasar kofin Duniya ta mata).
Hukumar FIFA ta dakatar da Rubiales na wucin gadi na kwanaki 90 daga duk wasu harkokin kwallon kafa a ranar Juma’a.
Yayinda Majalisar koli ta wasanni ta kasar Spain kuma ke neman a tsige shi daga mukaminsa saboda halayya da ya nuna bayan nasarar da Spain ta samu a gasar cin kofin duniya ta mata.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
