Wasu ‘yan bindiga sun kashe Farfesa Yusuf Saidu, mataimakin shugaban jami’ar Usmanu Danfodiyo da ke Sokoto (UDUS), mataimakin shugaban sashen bincike, kirkire-kirkire da ci gaba. Lamarin ya faru ne a lokacin da yake tafiya daga jihar Sokoto zuwa jihar Kaduna.
Jami’ar ta sanar da rasuwarsa ne a cikin wata sanarwa da ta fitar a yau Litinin, inda ta bayyana nagarta, da sadaukar da kai, da jajircewarsa.
- Sabon Kwamishinan Ƴansandan Kano Ya Kama Aiki
- HOTUNA: Zanga-zanga Ta Barke A Kaduna Kan Bukatar Gurfanar Da El-Rufai
Al’ummar jami’ar na ci gaba da jimamin rashin Farfesa Sa’idu, inda suka bayyana hakan a matsayin wani gagarumin rashi ga cibiyar da kuma duniyar ilimi.
Sanarwar ta jajantawa iyalansa da abokan aikinsa, tare da yi masa addu’ar Allah ya jikansa da rahama, ya gafarta masa zunubansa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
