1/5 Na Masu Sayayya Da Suka Halarci Baje Kolin Canton Karo Na 133 Sun Fito Ne Daga Afirka Da Yammacin Asiya

An rufe zangon farko na bikin baje kolin kayayyakin shige da fice na kasar Sin wato Canton Fair karo na 133 a jiya Laraba. An gudanar da bikin na wannan karon a zahiri, inda ya kasance mafi girma a tarihinsa.

Ya zuwa jiya, jigilar mutanen da suka isa wajen bikin ya kai fiye da miliyan 1.26. A cikin masu sayayya na ketare, kusan daya bisa biyar sun fito daga kasashen Afirka da yammacin Asiya.

• Saurin Farfadowar Tattalin Arzikin Sin Yana Kara Habaka Ci Gaban Yankin Asiya Da Duniya Baki Daya

A cikin ’yan shekarun baya, hadin gwiwa tsakanin Sin da kasashen Afirka da na yammacin Asiya ya sami gagarumin ci gaba a fannonin tattalin arzikin zamani da neman ci gaba maras gurbata muhalli, da hada-hadar kudi da sararin samaniya da dai sauransu. Kawo yanzu, Sin ta zama daya daga cikin kasashe 4 da suka zuba mafi yawan jari a kasashen Afirka. Sannan kasashen yammacin Asiya da na Afirka da dama, su ma sun zuba makudan jari a wasu muhimman ayyuka na kasar Sin. (Safiyah Ma)