A daidai lokacin da ake fuskantar babban zaben 2023, gwamnan Jihar Oyo, Seyi Makinde, ya ajiye mataimakinsa, Injiniya Rauf Olaniyan, a matsayin abokin takara.
A maimakon hakan, nan take ya sauya shi da shugaban hukumar gidaje ta jihar, Barista Bayo Lawal, a matsayin abokin takara a 2023 na zaben gwamnan Jihar.
Lawal haifaffen Kishi ya fito daga karamar hukumar Irepo, ya kasance tsohon Antoni Janar na jihar Oyo wanda aka nada shi a 1999 a karkashin mulkin tsohon gwamnan Lam Adesina.
Gwamnan Jihar na yanzu Seyi Makinde ya nada Lawal a matsayin Shugaban hukumar gidaje na jihar Oyo.
Idan za ku iya tunawa dai an kwashe tsawon lokaci gwamna Seyi da mataimakinsa Engr. Rauf Olaniyan, ba sa ga maciji.
