Fitaccen malamin addinin musuluncin nan mazaunin Kaduna, Sheikh Dakta Ahmad Abubakar Gumi, a ranar Laraba, ya bayyana cewa katin zabe ya fi muhimmanci a yanzu fiye da takardar shaidar makaranta da fasfo na kasashen duniya, inda ya bukaci ‘yan Nijeriya da su karbi katin zabensu na dindindin (PVC) don su kada kuri’a a zaben 2023 don zabar shugabanni masu gaskiya.
Gumi, ya ce za a kirga kuri’u a zaben 2023, ya kuma bayyana cewa mallakar katin zabe ita ce kadai hanyar zaben shugabanni na gari a kauda azzaluma a kawo masu adalci.
Malamin, ya yi wannan kiran yayin da ya karbi nasa katin zaben, inda ya wallafa hakan ne a shafinsa na Facebook, ya bukaci ‘yan Nijeriya da su yi amfani da ‘yancinsu ba tare da tsoratar da su ta hanyar tilastawa ko muzgunawa ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
