Gwamnatin Tarayya Za Ta Inganta Muhimman Abubuwan More Rayuwa Don Ci Gaban Ƙasa

Ministan Muhalli, Balarabe Abbas Lawal, ya tabbatar wa abokan hulɗar gwamnatin tarayya da cewa gwamnati na da himma wajen inganta muhimman hanyoyin ƙasa don ci gaban ƙasa.

Balarabe ya bayyana hakan ne kwanan nan a Legas yayin ƙaddamar da Optimized House, wani babban mataki a aiwatar da Nijeriya na Yarjejeniyar Montreal da Shirin Dakatar da Amfani da Hydrochlorofluorocarbons (HCFCs) (HPMP).

• Gwamnatin Tarayya Ta Ɓullo Da Kwasakwasai 26 Na Kasuwanci Don Rage Yawan Masu Neman Aikin Gwamnati
• Gwamnatin Tarayya Ta Kira Taron Gaggawa Don Hana Yajin Aikin NUPENG

Ministan ya bayyana cewa an gina wannan cibiyar ce a haɗin gwiwa da Ofishin Ozone na Ƙasa na Ma’aikatar Muhalli da Shirin Ci Gaban Ƙungiyar Ƙasa da Ƙasa (UNDP) don tallafa wa sauyin daga HCFC-141b zuwa sinadarai masu dacewa da ozone da yanayi wajen ƙera rigid polyurethane foam.

Ya lura cewa aikin ya samu nasara wajen:

Matsarwa da kuma inganta ɗakin gwaje-gwajen tsarin da kayan aikin bincike na zamani. Inganta ‘PU Systems House’ tare da ƙarin tankunan haɗawa don ƙara ƙarfin aiki.

Tabbatar da dakatar da amfani da HCFC-141b a tsarin sandwich panel, spray, da block a ayyukan cikin gida na Vitapur.

Daraktan Zartarwa na Vitapurs Ltd, Mista Taiwo Adeniyi, a jawabin maraba da ya yi, ya bayyana cewa cibiyar za ta ƙara ƙwarewa wajen gwaje-gwaje, bincike, da horo tare da amfani da sinadarai masu ƙarancin GWP, ƙara ƙarfin haɗa kayan ODS-free don samfuran rigid PU, da faɗaɗa ayyukan ɗakin gwaje-gwaje wajen nazarin kayan aiki da samfuran ƙarshe, da kuma tasirin tattalin arziki da muhalli.

Ya ƙara da cewa Optimized System House zai inganta samar da ayyukan yi da canja fasaha, rage buƙatar kuɗaɗen waje ta hanyar rage dogaro da shigo da kaya, tallafa wa tafiyar masana’antu ta Nijeriya ta hanyar rassan cikin gida kamar Vitapur, Vitaɓisco, Vitablom, Vono Furniture, da Vitaparts, da kuma ba da gudummawa ga matakan yaƙi da sauyin yanayi da ci gaban masana’antu mai ɗorewa ta hanyar bin Manufar Ci Gaban Dorew

a (SDGs).