“Assalamu alaikum.” suka amsa baki dayansu, “Wa’alaikussalama,” kansa a sunkuye bai kalle su ba, sannan ya ce; “Ina farin cikin haduwarmu a wannan majalisi mai albarka, Allah ya sa haduwar mu ta zama alkhairi a garemu baki daya, kuma ina kara taya mu murnar ganin shekarar budi da zaman lafiya.”
Shahid bai san Hafida ba, kuma yana son ya fitar da ita a cikin kawayenta.
- Cinikin Waje Na Kasar Sin Shi Ne Jigon Tattalin Arzikin Duniya
- Xi Jinping Ya Aike Da Sakon Taya Murna Ga Zababben Shugaban Kenya
Sai ya ce; “Ina rokon sakin fuska daga mai masaukin baki,” sai ya ga duk sun kalle ta sun yi murmushi, ita kuma ta jawo mayafin kanta ta rufe fuskarta saboda kunya.
Da ya fahimci haka ya girgiza kai, cikin zuciya ya fada, “Kai tsarki ya tabbata ga Ubangijin da ya kyautata halittu, lallai su Hafida da kawayenta ana zuba kyau a doron kasa.”
Shahidah ta kalli Hafida ta ce; “Hafida bakonki fa zuciyarsa cike take da sake-sake.”
Nan ma ya dago kai ita ma ya kalle ta, sai ya rasa to wace mace za’a samu a wannan kasa da za ta haura wadannan ‘yan mata kyau? Kai lallai su Hafida ana zuba kyau.
Babu shakka abokina ba a banza ya haukace cikin kaunarta ba.
Bayan sun yi masa barka da zuwa, sai doki ya yi haniniya ta uku, wadda kuma ita ce ta karshe, a nan sai ya ce; “Ina neman afuwa zan je na isar da wani sako na dawo,” Hafida ta ce; “Sako kuma? Amma na ga doki fa yayi haninya, a wurin dokin kuma za ka karbi sakon? Ya yi murmushi ya mike tsaye ya fita.
Hafida ta kalli kawayenta ta ce, “In ce ko kun ga irin halayyar samarin, kuna ganin yadda yake ta fito da wasu al’amura ko? Amma ku ta shi mu bishi mu ga abinda zai aikata.”
Suka biyo shi a baya bai sani ba, da zuwansa suka ga yana magana da dokinsa da wani yare da ba su sani ba.
Da Hafida ta ga haka, nan da na ta koma cikin gida ta debo karti mutum shida wai su lura da zaman da za su yi da wannan bako, idan sun ji daya daga cikinsu ta yi kara su kawo musu dauki, don a tunaninta Shahid ba mai cikakken hankalin ba ne, ya juya zai koma cikin gidan, sai Layusa take gaya masa halin da ake ciki.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
