Akalla jami’an tsaro 7 ne kungiyar ‘yan ta’adda ta ISWAP ta yi garkuwa da su da sanyin safiyar ranar Asabar a karamar hukumar Gubio ta Jihar Borno.
An tattaro cewa an yi awon gaba da jami’an tsaron da suka hada da dansanda daya da jami’an hadin guiwa na CJTF hudu da kuma mafarauta uku bayan da ‘yan ta’addar suka ci karfinsu, inda suka mamaye inda suke da yawa.
A cewar wani rahoto da Zagazola Makama, kwararre a fannin yaki da tada kayar baya a yankin tafkin Chadi daga majiyoyin ‘yansanda a yankin, ya ce an kai wa jami’an tsaron hari a RUGA da ke kauyen Pompom Baliya mai tazarar kilomita biyar zuwa Gubio.
“‘Yan ta’addar sun dauke mota sintiri kirar hilux daya da makamai sannan suka nufi kauyen Gadai da ke karamar hukumar Nganzai,” in ji rahoton.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
