Tsohon Kaftin Din Super Eagles, Mikel Obi Ya Yi Ritaya Daga Buga Kwallon Kafa

Tsohon kaftin din Super Eagles kuma tsohon dan wasan Chelsea, John Mikel Obi, ya sanar da yin ritayarsa daga buga kwallon kafa.

Obi, wanda ya taka rawar gani sosai a kungiyarsa da kuma kasarsa, ya bayyana hakan ne a shafinsa na Instagram da aka tabbatar a ranar Talata, 27 ga Watan Satumba, 2022.

• Kotu Ta Soke Takarar Sanata Adamu Aliero

“Akwai wata karin magana, ana cewa ‘dukkan abun da yayi farko, zai yi karshe’, sana’ata kwallon kafa, wannan rana ce a yau da tazo karshe.

“Na duba shekaru 20 da suka gabata na Kwallon kafata, kuma dole ne in ce na gamsu da duk abin da na samu kuma mafi mahimmanci, kwallon kafata ta maida ni Mutum”. Inji obi.