Fadar Buckingham da ke Birtaniya ta ce za a yi bikin nadin sarautar sarki Charles lll a ranar Asabar 6 ga watan Mayun 2023 a majami’ar Westminster.
Sarkin zai kasance a majami’ar tare da matarsa Camilla, wacce ita ma za a nada ta a matsayin matar sarki wato ‘sarauniya Consort’ a bikin mai dimbin tarihi da za a gudanar.
- An Kashe Yuan Biliyan 12.7 Wajen Kiyaye Muhallin Halittu A Tibet
- Shugaba Buhari Ya Karrama CGI Isah Jere Da Lambar Yabo Ta Ƙasa Bisa Mutunta Ɗan’adam A Shugabancinsa
An dai nada Sarki Charles lll a matsayin sabon sarki Birtaniya bayan rasuwar mahaifiyarsa Sarauniya Elizabeth ll, to amma bikin nadin shi ne alamar murna ta farko a matsayinsa na sabon sarki.
A yayin taron za a dora wa sarkin hular sarauta a kansa, a matsayin mutum mafi karfin iko da matsayi a Birtaniya.
Bikin nadin da za yi a shekara mai zuwa, shi ne irinsa na farko cikin shekaru 70, kuma na farko da za a yi ranar a Asabar tun bayan na sarki Edward VII da aka yi a shekarar 1902.
