Gunki Mafi Girma A Kasar Indonesia Ya Jawo Tarnaki

A kasar Indonesia, wadda ta fi kowace kasa yawan Musulmai a Duniya, an samu wata zanga-zangar mutane akan wani gunkin da mutanen kasar China da ke zaune a kasar suka sassaka, gunkin wanda aka kashe kudi sama da miliyan casa’in (a kudin Nijeriya) wajen yin sa kuma aka ce shi ne mafi girma a gaba dayan kudancin yankin Asia, yana ci wa Musulman Kasar Indonesian rai, ganin cewa kasar ta Musulmi ce, wannan ya sa suka fito suka nuna fushinsu sannan suka bukaci da a lalatashi.

Zanga-zangar tasa dole aka rufe wannan gunkin da farin kyalle, saboda a samu kwanciyar hankali, sai dai babu tabbacin ko za’a lalata gunkin kamar yadda masu zanga-zangar suka bukata.