Dan takarar shugaban kasa a jam’iyyar APC, Bola Ahmad Tinubu ya bayyana cewa, da ‘yan takara biyu kadai zai kara a babban Zaben shekarar 2023.
Wadanda dan takarar ya lissafo sun hada da: dan takarar a jam’iyyar PDP, Atiku Abubakar da Peter Obi na jam’iyyar Labor. Inji rahoton S-radio Fm dake Kano.
Tinubu, ya bayyana hakan ne jiya a jihar Kano, yayin wata tattaunawa da wasu Malaman addinin Musulunci a Jihar.
Jam’iyyun siyasa 18 ne hukumar zabe mai zaman kanta ta kasa INEC, ta ayyana da cewa su ne masu yan takarar shugaban kasa a zabe mai zuwa, amma Tinubu yace shi mutane biyu kadai ya sani.
Tinubu ya bayyana Atiku da cewa mai yunkurin raba kan kasa ne idan akayi la’akari da batun da yayi a zauren tattaunawa da yan takarar shugaban kasa na kungiyar tuntuba ta mutanen arewa inda Atiku yace shi ya kamata ‘yan arewa su marawa baya ba wai yarabawa ko ‘yan kabilar Igbo ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
