Kamfanin jiragen sama na British Airways, ya ci gaba da jigilar fasinjoji daga London zuwa Abuja (BA83) bayan ya soke jigilar na tsawon kwanaki biyu bayan yekuwar kai hare-hare a Abuja da gwamnatocin Amurka da Birtaniya suka yi.
Bayan soke tashinsa na zuwa Abuja a ranakun Juma’a da Asabar, a halin yanzu kamfanin ya sauya jadawalin tafiyarsa zuwa Abuja a ranar Lahadi.
A cikin wata sanarwa da kamfanin ya fitar ga abokan cinikinsa, kamfanin ya ce, ya dawo aiki na wucin gadi zuwa Abuja daga 30 ga Oktoba zuwa 7 ga Nuwamba 2022 hakan na zuwa ne “sabida yanayin aiki.”
Jirgin daga London zuwa Abuja zai tashi da karfe 08:10 kuma ya iso a 15:15 maimakon yadda ya saba taso wa daga 22:25 ya iso 4:40.
Idan dai za a iya tunawa dai kamfanin jirgin ya soke jigilar fasinjoji zuwa Abuja a ranakun Juma’a da Asabar ya koma sauka zuwa Legas.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
