Da Dumi-Dumi: Hazard Ya Yi Ritaya Da Buga Wa Belgium Kwallo

Dan wasan gaban Kasar Belgium, Eden Hazard ya ritaya daga murza wa kasarsa leda.

Dan wasan ya yanke hukuncin jingine takalmansa ne, biyo bayan gaza zuwa zagayen ‘yan 16 da suka yi a rukunin gasar cin kofin duniya na Qatar na 2022.

• Sin Ta Sauke Nauyin Dake Wuyanta Wajen Taimakawa Kasashen Da Suka Fi Rashin Ci Gaba
• Naira 20,000 Kacal Za A Dinga Cirewa A Banki A Kowacce Rana – CBN

Hazard, wanda yake buga wa Real Madrid kwallo na shan suka daga kafofin watsa labarai da kuma magoya baya, kan gaza tabuka abun a zo a gani a kungiyar sakamakon rauni da yake fama da shi.

Hazard wanda tsohon dan wasan Chelsea da ke Ingila ne, ya nuna bajinta lokacin da yake kungiyar kafin komawaraa Real Madrid.

Amma daga bisani abubuwa sun tabarbarewa dan wasan, inda ya dinga fama da ciwo iri daban-daban, wanda hakan ya sa Real Madrid ke neman rabuwa da shi ruwa a jallo.