Kungiyar kwallon kafa ta Chelsea ta fara tattaunawa da Manchester City domin sayen dan wasanta na gaba, Raheem Sterling, bayan da kungiyar ta kai tayin farko na fam miliyan 21 amma Manchester City ta yi fatali da tayin.
Tun bayan kammala kakar wasa ta bana makomar Sterling a Manchester City ta shiga kila-wa-kala, bayan da ya rage saura shekara daya kwantiraginsa ya kare da Manchester City, wadda ita ce ta lashe gasar firimiyar da aka kammala.
- Ganduje Ya Nada Baffa A Matsayin Shugaban Hukumar Kare Hakkin Masu Siye Da Siyarwa
- Mai Juna Biyu, Mai Yi Wa Kasa Hidima Da Wasu Sun Mutu A Hatsarin Jirgin Ruwa A Bayelsa
Sai dai kungiyoyi da dama daga ciki da wajen Ingila na zawarcin dan wasan dan asalin Ingila,
Sterling mai shekara 27 a duniya ya nuna sha’awarsa ta komawa Chelsea domin ci gaba da buga mata wasa.
Chelsea dai na fatan buga gasar Champions League da za ta yi a badi, daya daga cikin abin da dan kwallon zai amince da shi kenan kuma ya zura kwallo 13 a raga a wasanni 30 a Premier League da aka kammala, kuma kofi na hudu da ya lashe a tarihi.
A kwanakin baya dai an danganta dan wasan da komawa kungiyoyin Barcelona da Real Madrid da kuma kungiyar kwallon kafa ta Paris Saint German.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
