Gwamnan Jihar Kano, Abdullahi Umar Ganduje, ya amince da nadin Manajan-Darakta na Hukumar KAROTA, Baffa Babba Dan Agundi a matsayin mukaddashin Manajan-Darakta na Hukumar Kare Hakkin Masu Siye Da sayarwa har zuwa lokacin da za a nada Manajan-Darakta.
Ganduje ya bayyana haka ne a cikin wata sanarwa da babban sakataren yada labaran gwamnan, Abba Anwar, ya fitar a yau Litinin.
- ‘Yan Sanda Sun Kashe Dan Bindiga, Sun Kwato AK-47 A Zamfara
- Fayemi Ya Taya Oyebanji Murnar Lashe Zaben Gwamnan Ekiti
Tsohon Manajan-Darakta na hukumar, Janar Idris Bello Dambazau, (mai ritaya) ya yi murabus daga mukamin nasa a kwanan baya, bayan da hukumar yaki da cin hanci da rashawa ta jihar ta fara bincike a kansa.
Baffa zai duba dukkan sassan hukumar, na aiki da sauransu, da nufin ganin an samar da yanayi mai kyau, kafin a nada Manajan-Darakta na dindindin.
Sanarwar ta ce nadin zai fara aiki ne nan take ne.
