Wata gobara mai ban mamaki ta kone shahararriyar Kasuwar Gamboru da ke karamar hukumar Maiduguri a jihar Borno, inda ta kone dukiyoyi na miliyoyin naira a ranar zabe.
Majiyoyi a kasuwar sun ce gobarar ta fara ne da misalin karfe 2:30 na ranar Asabar, ta kona bangaren wuraren da ake sayar da kayayyakin abinci da kayan alatu/gwari.
Majiyar ta kara da cewa, an baza jami’an tsaro, wadanda akasarinsu sojoji ne zuwa wurin da lamarin ya faru, domin tarwatsa gungun masu zuwa wurin don sace kayan jama’a.
“Gobarar ta tashi ne daga sassan masu sayar da katako da lemu,” inji majiyar.
Kasuwar Gamboru, wacce ita ce kasuwa ta biyu mafi girma a Maiduguri bayan konewar Kasuwar Monday, kasuwa ce da ta shahara wajen sayar da kayan abinci da kuma kayan alatu/gwari.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
