Dan Takarar Jam’iyyar LP, Peter Obi Ya Kai Wa Wike Ziyara A Gidansa Da Ke Ribas

Dan takarar shugaban kasa na jam’iyyar Labour Party (LP), Peter Obi, a ranar Laraba ya ziyarci gwamnan jihar Ribas, Nyesom Ezenwo Wike, a gidansa da ke Fatakwal.

Obi dai shi ne fitaccen dan siyasa na uku da ya ziyarci Gwamna Wike bayan kammala zaben fidda gwani na takarar shugaban kasa na jam’iyyar PDP kwanan nan, ya sha kaye a hannun tsohon mataimakin shugaban kasa, Alh. Atiku Abubakar.

• Peter Obi Zai Iya Zama Shugaban Kasa A 2027 Ko 2031, Amma 2023 ‘Ta Yi Wuri Da Yawa’ – Babangida Aliyu

Kwanaki Atiku da gwamnan jihar Ebonyi, Dave Umahi, ya ziyarci gwamnan jihar Ribars a gidansa da ke Abuja da Fatakwal.

Lokacin da ya kai ziyara gidan Wike da ke Fatakwal a ranar Laraba, ɗan takarar shugaban ƙasar na LP ya shiga har cikin gidan sun kebe, sun yi ganawar sirri da Wike.

Sai dai bayan ganawar, Obi da Wike sun ki yin magana da manema labarai kan makasudin ziyarar.