Hadin Jalof Din Shinkafa Da Alayyahu

Assalamu alaikumu. Barkammu da sake haduwa a cikin shirin namu mai albarka na girki adon mata.

Hadin jalof din shinkafa tare da alaiyyahu: Abubuwan da uwargida zata tanada:
Shinkafa, Nama, Kayan miya (Tattasai, Tomatur, Attaruhu), kayan dandano Magi, Gishiri kuri, Albasa, Alayyahu.

• Hadin Nama Da Shinkafa Cikin Kwai

Yadda ake hada jalof din shikafa dafarko za ki dora tafasar nama, cikin tafasar za kisa gishi, da albasa da dan kuri da tayim saboda ya jire karni da Magi kadan kamar biyu haka saboda zakin naman ya fita idan murhunki biyu ne saiki dora tafasar shinkafa a dayan idan kuma daya ne sai ki jira sai naman yayi ki dora tafasar shinkafar, za ki dora ruwa da farko bayan ki dora zaki iya bari saiyayi zafi ko ya tafasa sannan kizuba shinkafar za ki iya daga kin dora ruwan ki zuba shinkafar duk dayane, bayan kinzuba shinkafar sai ki barta tafasa kadan haka yadda de ba ta dafe ba sannan sai ki wanketa ki zubata a matsami ta tsane ruwa sannan sai ki duba naman idan ya tafasa daidai yadda kikeso wasu sunaso ya dahu wasu kuma ba sa so ya dahu so sai sannan ki kwasheshi a ruwan kizubashi a matsami dan ya tsane ruwan sannan ki dora manki na suyar naman wanda dashi zakiyi amfani wajan hada jalof din idan man yayi zafi sai ki dan samasa albasa kadan haka saboda yayi kamshi sannan kizuba naman cikin man ki soyashi bayan yasoyu sai ki kwasheshi a cikin matsami, sannan ki wanke Tattasai da Tomatur da Attaruhu idan kinason yaji kenan idan kuma ba kya son yaji ba sai kinsa attaruhu ba ki yi blending dinsu ko kuma ki jajjaga a turmi bayan ya jajjagu sai ki zuba wannan kayan miyan a tukunya ya dan tafas sannan ki soya shi sama sama tare da man da kika soya naman sai ki dakko shinkafar da kika dafa.

Ssai kisa mata magi dai dai yadda zai isa kisa gishiri da kuri ki yanka albasa duk a cikin shinkafar sai ki juyata ki yi ta juyata harsai kayan da kika zuba ya hade da ita kume yaji a cikin ta, sai ki zubata cikin tukunyar da kika soya kayan miyan itama kidan soyata sama sama sai ki zuba mata ruwan naman da kika tafasa idan ya isa to idan kuma bai isa ba sai ki dan kara mata da farin ruwa dai dai yadda zai dafa ta sai ki rufeta ki barta ta dahu, kafin ta dahu sai ki yanka alayyahu kiwankishi, lokacin da zakisa alayyahun sai ruwan ya rage kadan ya tsutse a cikin shinkafar sai ki zuba alayyahun a saman shinkafar ki barnada shi haka ki rufe zai dahu sai bayan ya dahu sai ki jujjuya saboda alaiyyahun ya shiga ko ina a cikin shinkafar sai ki kwasheta.

Shikenan kingama jalof din shikafa wadda ake samata alayyahu mai gida da uwargida aci dadi lafiya.