Assalamu alaikum masu karatu barkammu da sake haduwa a wannan mako acikin shirin namu mai farin jini da albarka na girki adon mata.
A yau za mu hada girki ne na musamman, na Nama Da Shinkafa Cikin Kwai:
Abubuwan Da Ya kama Uwargida Ta Tanada
Shinkafa, Kwai, Nama, Peas da carrot, Albasa da lawashi, Attaruhu da Tattasai, Oil or maggrine, Tafarnuwa, maggi da gishiri thyme
Yadda Uwargida za ta hada:
Za ki sami markaddadn nama wato wanda kika tafasa kika barshi ya dahu sannan kika daka shi ko miding din shi, ki zuba a tukunya sai ki zuba curry, tafarnuwa, lawashi, thyme, magi da gishiri ki zuba ki juya sannan ki barshi ya dahu.
Sannan ki wanke shinkafa ki yi mata rabin dahuwa sai ki kara wanke ta ki tsane ta da matsami sai kuma ki daukko wannan naman ki zuba a kasko mai fadi ki zuba mai ko margin ki soya sama sama sannan ki dakko shinkafar ki zuba akai sai ki sami attaruhu ko tattasai wanda kike so idan ke maicin yaji ce sai kisa attaruhu ki jajjaga ki zuba akai ki juya sai ki samu carrot da peas ki goge bayan carrot din ki yayyanka Sai ki zuba ruwa ki juya sosai Sai ki barshi zuwa yan mintuna Sannan ki sami Kwai ki fasa akai ki juya so sai Sai ki barshi ya dan dahu Sannan ki sauke. Aci dadi lafiya
