‘Yansanda a jihar Ribas sun kama mutum hudu, da ake zarginsu da safar kananan yara. An kama mata 3 da kuma namiji 1.
Jami’ar hulda da jama’a ta rundunar ‘yansandan jihar, Grace Iringe-Koko ta ce, an kama mutanen ne, bayan karar da Precious Friday daga garin Ubima da ke karamar hukumar Ikwerre ya kawo.
- Masar Dankali Ta Musamman Don Bikin Sallah
- Gwamnatin Tarayya Za Ta Kwaso Daliban Nijeriya Bayan Barkewar Rikici A Sudan
Iringe-Koko ta ce Friday ya kawo karar ce bayan batan ‘ya’yansa, wanda nan take suka fara bincike, hakan kuma ta kai ga kama Mercy Enyindah.
Ta ce, Enyindah ta tabbatar da laifin da ake zarginta da shi, na satar yaran, wadda kuma bayanin da ta bayar ya taimaka wajen kama Chialuka Iheanacho da mijinta mai suna Chukwuma Iheanacho a jihar, wadanda kuma ake zarginsu da yin garkuwa da mutane.
Iringe-Koko ta ci gaba da cewa, yanzu haka rundunar ‘yansandan ta baza ashifta domin kamo sauran ‘yan kungiyar. Tuni an mika yaran da aka samu ga iyayensu, sannan kuma ana ci gaba da kokarin kubutar da Jasper Friday, wadda aka ce an sayar da ita a Asaba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
