Mamallakin Facebook da Instagram, Mark Zuckerberg ya fara daukar horo a wajen fitaccen dan damben Nijeriya Israel Adesanya, don karawa a wasan dambe da zai yi da mamallakin Twitter, Elon Musk.
Dan wasan damben, Adesanya ne ya wallafa hotunan daukar horon da Mark Zuckerberg ya fara a shafinsa na Twitter.
- Dangote Ya Sake Zama Wanda Ya Fi Kowa Kudi A Afrika Karo Na 12
- Gwamnatin Kano Za Ta Dauki Nauyin Karatun Dalibai 1,100
A kwanakin baya a ruwaito attajiran biyu za su fafata a wasan dambe, lamarin da ya dauki hankalin dubban mutane.
Sai dai damben a wannan karon zai dauki sabon salo, duba da yadda Zuckerberg ya kirkirar wa manhajar Twitter kishiya.
Hakan ya haifar da zazzafar muhawara a tsakanin attajiran biyu, inda suka dinga musayar yawu a kafafen sada zumunta.
Mark Zuckerberg ya fito karara ya bayyana cewar ya kirkiro manhajar THREADS don zaka kishiya ga Twitter.
Sai dai wannam karon mutane za su zuba ido su ga yadda damben zai kaya tsakanin attajiran biyu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
