Ba Mu Soke Lasisin ‘Yan Kannywood Domin Musguna Wa Wasu Ba – Al-Mustapha

Hukumar Tace Fina-finai ta Jihar Kano, ta ce ta kwace lasisin gudanar duk wasu ‘yan wasa da jarumai ciki har da daraktoci, gidajen gala da masu tallan maganun-uwan gargajiya da furodusoshi a masana’antarta ta shirya fina-finai ta Kannywood.

Shugaban hukumar, Abba Al-Mustapha ya bayyana cewa an dauki wannan matakin ne da nufin tsaftace masana’antar da kuma tabbatar da duk wanda ke ci-kin na samun cikakken takardu.

• GORON JUMA’A
• Ronaldo Ya Jefa Kwallon Da Ta Saka Kungiyarsa Zagayen Gaba A Gasar Zakarun Larabawa

Al-Mustapha ya ce dole ne dukkan fitattun jarumai da furodusoshi su sabunta la-sisin yin aiki a masana’antar da hukumar tace fina-fanai ta Jihar Kano, domin kyau-tata sana’ar da kuma kauce wa gurbatattun da ke zubar da kimar sana’ar.

“Mun soke duk wasu lasisi na kungiyoyin masana’antar don samun takardun da kuma samun ingantattun tsare-tsare wadanda za su magance wasu matsalolin da ke cikin masana’antar.

“Muna da kungiyoyi kusan 13, mun kwace dukkan lasisinsu, wanda hakan ya ba mu damar tsaftace masana’antar, kafin a ba ko wani mutum lasisi dole ne mu gamsu da nagatarsa tare da sanin waye shi.

Al-Mustapha ya ce wannana mataki ta shafi dukkan mawaka da sauran masu nisadantarwa a masana’antar Kannywood, dole ne su sabunta lasisinsu ta haka ne za su iya tsaftace masna’antar.

Sai dai kuma wannan matsayi na Al-Mustapha ya jawo suka daga mutane da da-ma, musamman ‘yan adawa wadanda suke ganin ana so a yi amfani da siyasa ce kawai domin musguna wa wasu ‘yan fim da ba su goyi bayan gwamnati mai ci ba.