Kano Ta Yi Cikar Kwari Yayin Da Shettima Da Akpabio Suka Halarci Auren Dan Sanata Barau

Jihar Kano ta yi cikar kwari yayin da Mataimakin Shugaban Kasa, Kashim Shetima; Shugaban Majalisar Dattawa, Sanata Godswill Akpabio; Kakakin majalisar wakilai Tajudeen Abbas; gwamnoni; ‘Yan majalisa, da wasu manyan baki suka halarci daurin auren dan mataimakin shugaban majalisar dattawa, Sanata Barau Jibrin.

An daura auren ne a babban masallacin Juma’a na Isyaka Rabi’u da ke Goron Dutse a cikin birnin Kano, bayan an idar da sallar Juma’a.

Abdullahi Barau Jibrin (Amir) ya angwance da amaryarsa Bilkisu, diyar mataimakin shugaban marasa rinjaye na majalisar wakilai, Aliyu Sani Madaki.

Mataimakin shugaban kasa Shettima ya kasance wakilin angon, yayin da kakakin majalisar wakilai Abbas ya zama wakilin amarya.