Kakakin majalisar wakilan Nijeriya, Tajudden Abbas, ya ce, Nijeriya ta yi asarar naira tiriliyan 16.25 sakamakon satar danyen mai a tsakanin shekarar 2009 zuwa 2020.
Kakakin ya bayyana haka ranar Alhamis lokacin da yake kaddamar da kwamitin bincike kan satar danyen mai da kuma asarar kudaden shiga da aka gudanar a Abuja.
- Nijeriya Na Bukatar Gudunmawar Sarakunan Gargajiya Don Farfado Da Darajarta – Hon. Abbas
- Kakakin Majalisar Wakilai, Abbas Tajudeen Ya Ziyarci Masarautar Zazzau
Abbas ya ce, barazanar satar danyen mai na kara haifar da mummunar nakasu ga albarkatun mai da Nijeriya ke hakowa, inda ya ce, tsakanin kashi biyar zuwa kaso kaso 30 na danyen mai ake asara kullum.
Kakakin ya bayyana cewa, hukumomi da ma’aikatun da suke da alaka da harkar mai irin su NNPC, hukumar NUPRC, ma’aikatar albarkatun mai da sauransu sun ki amsa gayyatar da aka tura musu.
Shugaban kwamitin albarkatun mai na majalisar wakilai, Al-Hassan Ado-Doguwa, ya ce, muddin ba a dauki matakin gaggawa wajen shawo kan wannan matsalar ba, to kuwa Nijeriya za ta iya fuskantar manyan matsaloli a nan gaba.
A cewarsa, hakan na da nasaba da koma-baya ta fuskar kudaden shiga a harkar mai da na iskar gas.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
