Mai magana da yawun ma’aikatar harkokin wajen kasar Sin ya bayyana a jiya Asabar cewa, kasar Sin ta yi Allah wadai da harin da aka kai kan wata makarantar horas da sojoji a birnin Homs na kasar Syria a ranar Alhamis.
Kakakin ya bayyana hakan ne, yayin da yake karin haske kan harin kunar bakin waken da ya yi sanadiyar mutuwar mutane akalla 80 tare da jikkata wasu fiye da 200.
Ya ce, kasar Sin tana adawa da kakkausar murya da duk wani nau’i na munanan ayyukan ta’addanci. Don haka Sin na Allah wadai da wannan hari, tare da jajantawa wadanda harin ya rutsa da su, tare da jajantawa wadanda suka jikkata da kuma iyalan da suka rasa ‘yan uwansu. (Ibrahim)
