Kungiyar kwallon kafa ta Katsina United da ke buga babbar gasar kwallon kafa ta Nijeriya, ta nemi rangwame akan tarar da mahukuntan gasar Nigeria Professional Football League, NPFL suka yanke mata.
Canji Boys, kamar yada ake kiransu, an yanke musu hukuncin biyan tarar Naira miliyan 1 akan gazawarsu wajen samar da isashshen tsaro a wasan da suka buga da Sunshine Stars a satin da ya gabata.
- Na’urar VAR Ba Ta Da Wani Amfani A Gasar Firimiya Sai Bata Lokaci -Arteta
- Arsenal Ta Nuna Sha’awar Daukar Osimhen Idan Ya Yanke Shawarar Barin Napoli
Shugaban kwamitin rikon kwarya na kungiyar Kabir Danlami ne ya bukaci wannan sassauci a wata takarda da ya rubuta wa mahukuntan gasar ta Firimiyar Nijeriya.
Inda ya ke neman a rage yawan kudaden tarar da aka zartarwa kungiyar domin suna fatan hakan ba zai sake faruwa ba a gaba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
