Babban Hafsan Sojin Kasa Ya Ziyarci Wurin Da Aka Kai Harin Bam A Kaduna Da Asibitin Da Ake Kula Da Masu Raunin

Babban hafsan sojin kasa (COAS), Laftanar Janar Taoreed Lagbaja, a ranar Talata, ya ziyarci wurin da sojoji suka kai harin bama-bamai a unguwar Tudun Biri da ke karamar hukumar Igabi ta jihar Kaduna.

Hafsan sojojin, da isarsa wurin, ya gana da Dangaladiman Zazzau da Hakimin Rigasa, Architect Aminu Idris, da sauran shugabanni da sauran al’umma.

Shugaban hafsan sojojin ya kuma ziyarci wadanda abin ya shafa a asibitin koyarwa na Barau Dikko da ke Unguwar Rimi a cikin birnin Kaduna.