Gwamnan Dauda Lawal, ya kara nanata cewa, ba kwashe Kudin Al’umma ya kawo shi jagorantar Jihar Zamfara ba sai dai ceton jihar daga kangin halin da aka jefa ta.
Gwamna Dauda ya bayyana haka ne a gagarimar tarbar da dubban al’umma sukayi masa don nuna farin ciki da goyan bayansu da hukuncin Kotun Koli tayi na tabbatar da shi a matsayin zababben gwamnan Jihar Zamfara a ranar Litinin.
- ‘Yan Bindiga Sun Sace Dalibai Mata 2 Na Jami’ar Al-Qalam A Katsina
- An Sake Rantsar Da Gwamna Hope Uzodimma A Wa’adi Na Biyu
A jawabinsa, Gwamna Dauda yayi godiya ga Allah da Alkalan babbar kotun koli da suka yi adalci suka tabbatar da shi a matsayin zababben gwamnan Jihar Zamfara.
Kuma ya tabbatar wa al’ummar Jihar Zamfara cewa, zai yi iya kokarinsa akan kujerar Gwamnan don ganin ya ceto jihar Zamfara daga mawuyacin halin da aka jefa ta, na daga matsalar tsaro, inganta Ilimi, bunkasa rayuwa da sauransu .
Gwamna Dauda ya tabbatar da cewa,da yardar Allah Jihar Zamfara sai ta canza daga halin da take ciki.
Akan haka ne gwamna Dauda yayi godiya ga al’ummar Zamfara da suci gaba da yima gwamnatin addu’a dan gain kudrinta ya cika na cigaban Jihar Zamfara.
