Sufeto-Janar na ‘yan sanda, IGP Usman Baba, ya bayar da umarnin haramta duk wani amfani da lambar motar ‘yan sanda (SPY) da jami’an Hukumar ke yi a fadin jihohin tarayya ba tare da kebe kowa ba.
Mai magana da yawun Hukumar, CSP Olumuyiwa Adejobi, ya ce haramcin ya fada kan kowa, ba tare da la’akari da ko an ba shi izini ko ba a bada ba, in ma akwai mai izini to an soke izinin.
Ya ci gaba da cewa, wannan umarni ya zama wajibi domin dakile ci gaba da yin watsi da ka’idojin hanya da tuka ababen hawa da kuma dakile batagari masu fakewa a karkashin gatan lambar motar ‘yan sanda.
IGP Usman Baba ya kuma umurci manyan jami’an ‘yan sanda masu amfani da lambar su tabbatar da bin wannan umarni cikin gaggawa ko kuma a kama su da laifin karya wannan umarni.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
