Za A Hukunta Duk Wanda Aka Kama Yana Amfani Da Lambar Motar ‘Yan Sanda

Sufeto-Janar na ‘yan sanda, IGP Usman Baba, ya bayar da umarnin haramta duk wani amfani da lambar motar ‘yan sanda (SPY) da jami’an Hukumar ke yi a fadin jihohin tarayya ba tare da kebe kowa ba.

Mai magana da yawun Hukumar, CSP Olumuyiwa Adejobi, ya ce haramcin ya fada kan kowa, ba tare da la’akari da ko an ba shi izini ko ba a bada ba, in ma akwai mai izini to an soke izinin.

• ‘Yan Sanda Sun Cafke Fursunan Da Ya Tsere Daga Gidan Yarin Kuje A Ogun

Ya ci gaba da cewa, wannan umarni ya zama wajibi domin dakile ci gaba da yin watsi da ka’idojin hanya da tuka ababen hawa da kuma dakile batagari masu fakewa a karkashin gatan lambar motar ‘yan sanda.

IGP Usman Baba ya kuma umurci manyan jami’an ‘yan sanda masu amfani da lambar su tabbatar da bin wannan umarni cikin gaggawa ko kuma a kama su da laifin karya wannan umarni.

Sulaiman

+ postsBio

• Sulaiman

  Sojoji Sun Dakile Hare-Hare, Sun Ceto Mutane 12 A Zamfara
• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna