Assalamu alaikum masu karatu barkammu da sake haduwa da ku a wannan makon a cikin shirin namu mai farin jini da albarka na Ko Kin San.
Idan aka ce gyara ba wai mata kadai ne suke bukatar gyara ba har da maza ma suna bukata.
- Maigida: Ga Abubuwa 21 Da Za Ka Fada Wa ‘Yarka Masu Amfani (I)
- Kun Kasa Magana A Lokacin Buhari, Ba Ku Da Damar Sukar Tinubu – Matasan Arewa
Uwargida ya kamata ki san yadda za ki gyara maigida kama daga tsaftar jiki, idan muka ce jiki muna nufin ko ina wato cikin jiki da kuma wajen jiki da wanka da kuma wanki, kwalliya da kuma yanayin yanayin saka kaya.
Idan muka dauki tsafta jiki wato kamar wanka, uwargida za ki iya yi wa maigida wanka ko kuma na ce ki taya shi kina goga masa sabulu nan shi kuma yana goga wa a can.
Kwalliyar kaya za ki iya zaba wa mijinki kayan da zai sa ki hada masa yadda zai yi kala daya wato (machine colour) hula ta yi daidai da kalar kayan, takalmi shima ya yi daidai da kalar kayan, za ki rika shafa wa mijinki mai, ki sa masa turare ki sa masa kaya ki feshe shi yana kamshi ki dauko hula ki sa masa ki kawo takalmi ki sa masa.
Idan zai fita ki riko hannun mijinki ki raka shi har bakin mota idan mai mota ne idan kuma ba shi da ita ki kawo shi har bakin kofar gida kina yi masa addu’ar fita a sa’a tare da fatan nasara a fitarsa.
Uwargida idan mace ta kasance tana yi wa migidanta haka tana shiga zuciyar mijin ta a duk inda yake yana tunawa da ita za ta zamo tauraruwa a cikin zuciyar maigida. Sai wanki yana da kyau ki rika yi wa maigida wanki da guga idan har ba bayarwa kuke ba kar ki bar shi ya rika wanki da kansa, idan kuma yana ba da wanki karki bari yana ba da da tufafin cikin jiki, kamar su ‘yar ciki wato ‘Singlet’ da garun wanduna, wadannan ya kamata ki rika wankewa da kanki ko a Musulunci ma an ce mace ta rika yi wa maigida wanki yana da lada sosai. Allah ya sa mu dace.
