Hukumar NDLEA Ta Kama Tabar Wiwi Mai Nauyin Kilo 33.5 A Legas.

Jami’an hukumar hana sha da fataucin miyagun kwayoyi ta kasa, NDLEA, sun cafke wani sunkin tabar wiwi mai yawa da aka boye a cikin manya manyan lasifiku a cikin wani kaya da aka shigo da su daga birnin New York na kasar Amurka.

A lokacin da aka bude katafaren akwatunan da aka Sanyo lasifikun da jami’an NDLEA suka kama a shingen shigo da kaya ta NAHCO da ke filin jirgin sama na Legas, bayan bude akwatunan, an kama sunkin wiwi 60 da nauyinsu ya kai kilo 33.5.

Akalla, mutane uku da ake zargi, wakilin jigilar kayan, Akeem Afeez; Manajan kamfanin, Babalola Ayodeji Gboyega da mai karbar kayan, Taiwo Olusegun Anuoluwapo duk an kama su a wani samame da aka yi tsakanin ranar Alhamis 15 ga wata zuwa Juma’a 16 ga Fabrairu 2024.