Babban hafsan hafsoshin Nijeriya, CDS Janar Christopher Gwabin Musa ya sha alwashin cewa, sojoji za su zakulo masu kiran yin juyin mulki a kasar a duk inda su ke.
CDS ya bayyana irin wadanan mutane a matsayin wanda basa kishin kasa da ‘yan kasa. Ya kuma nanata kudirin rundunar sojin na ganin ta tabbatar da dimukuradiyya a Nijeriya.
- Gwamna Dikko Umar Ya Taya Kwamarad Dan Ali Murnar Zama Shugaban NUJ Mafi Kwazo A Arewa Maso Yamma.
- Majalisar Dattawa Ta Buƙaci Gwamnati Ta Janye Shirin Ƙara Kuɗin Wutar Lantarki
CDS ya yi wannan kiran ne jim kadan bayan ya kaddamar da shirin samar da matsugunni ga rundunar sojin ta 6 hadi da jami’an ‘yansanda a hedikwatar shiyya ta Fatakwal a ranar Laraba.
Ya ce juyin mulkin bai zai haifar da da mai ido ba, hasali ma maida kasar baya zai yi, inda ya nanata tsarin dimukuradiyya shi ne ya dace da yan kasa.
“Duk wanda ke yin wannan kira (juyin mulki) baya kaunar Nijeriya. Muna so mu bayyana a fili cewa, Sojojin Nijeriya suna bayan kare dimokradiyya.
CDS Musa ya yi kira ga ‘yan kasa da su yi hakuri su baiwa gwamnati goyon baya domin samun nasara .
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
