Wasu ‘yan bindiga sun kashe Dagacin Kauyen Madaka tare da wasu mutum 20 a wani hari da suka kai kauyen da yammacin ranar Alhamis.
Yankin na da arzikin zinari da sauran ma’adanai, mutanen yankin na Madaka da ke karamar hukumar Rafi a jihar Neja na fuskantar hare-haren ‘yan bindiga akai-akai.
- Sojojin Sama Sun Lalata Ma’ajiyar Makaman ‘Yan Ta’adda A Neja
- Tinubu Da IBB Sun Yi Ganawar Sirri A Neja
Rahotanni sun bayyana cewa ‘yan bindigar sun kai farmaki kan mutanen yankin da yammacin ranar Alhamis a lokacin da kasuwar yankin ke ci da kuma sake kai wani sabon hari cikin dare.
An sace mutane da dama tare da kona gidaje 50 da motoci da babura da ba a bayyana adadinsu ba.
Zuwa lokacin da muke hada wannan rahoton, jami’in hulda da jama’a na rundunar ‘yan sandan jihar, DSP Wasiu Abiodun bai ce uffan ba kan harin, sai dai Hakimin Madaka, Alhaji Isah Bawale, ya tabbatar da kai harin yankin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
