Ɗan takarar shugaban na Jam’iyyar PDP a Nijeriya, Alhaji Atiku Abubakar da tsohon shugaban Majalisar Dattawa, Bukola Saraki da Gwamnan Sokoto Aminu Waziri Tambuwal da kuma Gwamnan Bauchi, Bala Mohammed sun taya Ademola Adeleke murnar lashe zaɓen Jihar Osun.
BBC ta rawaito cewa,dDuka jigajigan na PDP sun wallafa saƙo ne a shafukansu na sada zumunta inda suke taya shi murnar lashe zaɓe.
- Adeleke Na Jam’iyyar PDP Ya Kayar Da Gwamnan Osun Mai Ci Oyetola Na Jam’iyyar APC
- Zaben Osun: ‘Yan Nijeriya Na Kallon Mu – Mahmoud Ga Ma’aikatan INEC
Atiku Abubakar ya taya ƴan Jam’iyyar PDP da sauran masu ruwa da tsaki murna waɗanda suka haɗa kai domin tabbatar da wannan nasara.
Shi ma Abubakar Bukola Saraki ya wallafa dogon saƙo a shafinsa na Facebook inda ya gode wa mutanen Jihar Osun bisa jajircewar da suka yi domin ganin sun zaɓi Adeleke.
Shi ma Tambuwal ya gode wa jama’ar Osun inda ya ce wannan nasara alama ce da ke nuna cewa Atiku na nan tafe.
Shi ma Bala Mohammed gwamnan Bauchi ya wallafa saƙo a shafinsa na Twitter inda ya taya shi murna.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
