Hukumar hana sha da fataucin miyagun kwayoyi ta kasa NDLEA ta kama wani fasinja dauke da kwayoyin tramadol 4,000 a filin jirgin sama na Murtala Muhammad da ke Ikeja, Legas.
Hakan na kunshe cikin wata sanarwa da Daraktan yada labarai na NDLEA, Femi Babafemi, ya fitar ranar Lahadi a Abuja.
- NDLEA Ta Cafke Mai Ciki Da Kudin Jabu Naira Miliyan 3.2
- NDLEA Ta Cafke Masu Safarar Miyagun Kwayoyi A Legas
Babafemi ya ce jami’an NDLEA da ke kofar ‘C ‘ ta filin tashi da saukar jiragen sama na Legas a ranar Juma’a sun dakile yunkurin wani da ake zargi na fita da kwayoyi zuwa Malpensa, Italiya a cikin jirgin Ethiopian Airline.
Ya ce an gano sinadarin ne a boye a cikin tufafin mata da kuma wasu cikin kananun jakar baya.
