Julen Lopetegui Ya Amince Ya Karbi Aikin Horas Da West Ham 

Julen Lopetegui ya amince da karbar ragamar horas da kungiyar kwallon kafa ta West Ham United, bayan raba gari da David Moyes.

Lopetegui bai sanya hannu kan kwantiragi da kungiyar ba, amma ya bayar da tabbacin karbar aikin kungiyar a karshen wannan kakar wasannin.

• Sabon Babin Diflomasiyyar: Kira Ga Hadin Kai Da Zaman Lafiya
• Yanzu-yanzu: Shettima Ya Dakatar Da Tafiyarsa Zuwa Amurka Saboda Matsalar Jirgi

Matakin wanda ita kanta West Ham ta sanar na zuwa ne a wani yanayi da manajan kungiyar, David Moyes ke tsaka mai wuya bayan rashin nasara a wasanni takwas da ta yi a baya-bayan nan.

A ranar Lahadi ne, Chelsea ta yi wa West Ham wankin babban bargo, inda ta zuba mata kwallaye biyar.